×

Gastronomía

Galician Roots

Gastronomía en Galicia

Un dos nosos mellores tesouros

Non podes viaxar a Galicia sen deixarte seducir pola súa gastronomía. Galicia e gastronomía son dúas palabras inseparables; a nosa tradición culinaria rica e variada perdura no tempo e é un dos maiores atractivos da nosa terra. A gastronomía está omnipresente na vida dos galegos e como moitos din estamos comendo e falando de comer. E non nos importa compartir os nosos manxares e as nosas receitas con todo aquel que decida achegarse a descubrilas.

Galicia é unha das comunidades máis prolíficas en canto a festas gastronómicas e non é de estrañar dada a gran variedade e calidade dos seus produtos. O marisco, o pan, a carne… centos de produtos que forman parte do día a día dos galegos e tradicións e costumes que se seguen transmitindo de xeración en xeración.

A día de hoxe séguese cocendo pan en moitas aldeas do interior de Galicia e moitas familias seguen elaborando os típicos doces e sobremesas de entroido como filloas e orellas. As reunións familiares o redor da mesa son frecuentes e non é necesaria ningunha escusa ou celebración específica para que xurdan.

En Galician Roots somos amantes da boa comida e encántanos cociñar por iso queremos que descubras os nosos segredos mellor gardados e que aprendas un pouco máis acerca da nosa gastronomía. Non te perdas todos os nosos talleres gastronómicos onde poderás probar e elaborar algunhas das nosas mellores receitas.

Traslados

Recollémoste e levámoste onde desexes

Co fin de darche a maior comodidade á hora de facer a túa viaxe, en Galician Roots tamén che ofrecemos un servizo de traslado desde calquera aeroporto de Galicia ou calquera punto de chegada e levámoste ata o punto de inicio da túa viaxe.

Síguenos

Subscríbete

Todas as nosas novidades e ofertas na túa caixa de correos

Cumprindo co novo Regulamento Europeo Xeneral de Protección de Datos ( RGPD), en relación coa política de cookies queremos informar que continuar navegando pola nosa web implica ACEPTAR a nosa política de cookies. Ler máis.